Այս տարի ՀՀ կառավարությունը 73 միլիարդ 760 միլիոն դրամ է ծախսելու պետական պարտքի սպասարկման համար: ՀՀ պետական բյուջեում դրված փոխարժեքով դա կազմում է մոտ 180 միլիոն դոլար: Դրանից 21 միլիարդ դրամը ուղղվելու է օտարերկրյա պետություններից, միջազգային կազմակերպություններից եւ այլ արտաքին աղբյուրներից ստացված վարկերի սպասարկմանը: Եւս 17 միլիարդ դրամ ուղղվելու է  արտարժութային պետական պարտատոմսերի սպասարկմանը: Մնացած շուրջ 35 միլիարդ դրամը ուղղվելու է ներքին պարտքի սպասարկմանը: Այս պահի դրությամբ ՀՀ կառավարությունը արդեն 3.4 միլիարդ դրամ է վճարել պետական պարտքի սպասարկմանը: Դրանից 2.1 միլիարդ դրամը ուղղվել է ներքին պարտքի սպասարկմանը, իսկ արտաքին պարտքի սպասարկմանը՝ 1.3 մլրդ դրամ: