2014 թվականի ապրիլից մինչեւ այս տարվա փետրվարի 12-ը Ուկրաինայի արեւելքում հակամարտության ընթացքում զոհվել է 5617 մարդ: Այսօր նման տվյալներ է հրապարակել ՄԱԿ-ի մարդասիրական հարցերի համակարգման բաժինը: Նույն ժամանակահատվածում վիրավորվածների թիվը հասել է 13 հազար 400-ի: Փախստականների ու ներքին տեղահանվածների թիվն անցնում է 1 միլիոնից:

Ավելի վաղ՝ փետրվարի 7-ին Ուկրաինայի նախագահ Պյոտր Պորոշենկոյի կողմից հրապարակված տվյալների համաձայն, Դոնբասի հակամարտության ընթացքում զոհվել է 5638 մարդ, որից միայն 1432-ն են զինծառայող: